1434. August 12. Breslau

Nicolaus Goltberg licenciatus in decretis Scolasticus Canonicus et Officialis Wrat. Discreto viro domino . . Ebdomadario Ecclesie Collegiate sancte Crucis in Oppel Et qui presentibus fueritis requisiti Salutem in domino. Mandamus vobis quatenus peremptorie moneatis Honorabilem et Religiosum virum dominum Michaelem Zeidel Prepositum Monasterii in Czarnowans Ordinis Premonstratensis et . . Priorissam . . Subpriorissam, Totumque Conventum Sanctimonialium Monasterii et ordinis prelibati, ut infra octo dies a vestris ipsis monicionibus faciendis Venerabili viro domino . . Abbati et Conventui Monasterii sancti Vincencii extra muros Wrat. ord. Prem. de Sex marcis Census Claustralis de festo et termino beati Johannis baptiste nuper evoluto debitis satisfaciant ut tenentur. Alioquin iusticia exigente . . Prepositum et . . Priorissam excommunicamus Conventum que Sanctimonialium ab ingressu Ecclesie suspendimus in hiis scriptis. Quem et quam sic excommunicatos et ab ingressu Ecclesie suspensos singulis diebus dominicis in vestris Ecclesiis publicetis tamdiu donec a nobis fuerint absoluti. Datum Wrat. die xij mensis Augusti Anno domini M° cccc xxx iiij. Litteram reddite sigillatam, diem execucionis ad eandem consignando.
Execucio facta est feria quarta post Laurencii octavas. (Aug. 18.)

Ein schmales Papierblättchen, deren 17 zu einem Hefte verbunden sind, mit der Aufschrift: Hic continentur processus Contra prepositum et totum Conventum Sanctimonialium in Czarnowans ord. Prem. ratione xii marcarum annui redditus quarum vi marce sunt reempte. Auf der Rückseite eines jeden Blattes ist das Officialatssiegel in rothem Wachse unter Papier. Dieses, letzte Blatt ist beschädigt, und vielleicht von 1433. Das Siegel des Ebdomadarius ist abgefallen. — Im Archive von S. Vincenz.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.